[Tom Bar & Grill] 普普通通

去科學園行吓，去咗呢間Tom Bar & Grill食少少嘢。

芝士條，雖然係用mozzarella cheese，不過侍應拎嚟嗰陣係唔熱嘅，冇拉絲效果，唔多唔少有啲失望。

香茅雞中翼，呢個反而係啱啱炸起非常熱辣辣，冇咩香茅味，但就好香蒜蓉牛油味，食落比芝士條好味。

有海景，下午茶嘢食唔特別，普通嘢但幾貴。唔知係唔係落場時間，侍應好似踢一腳先郁一郁咁，好多嘢要問佢先會俾（例如係餐具同水），又或者預咗嚟呢度啲人都係一次起兩次止掛。