今日同朋友去食面譜京川料理，之前嚟過覺得唔錯。
花雕王醉雞，雞肉入味，不過得幾件，一人夾一件都冇咗。
炒鴨松子仁配叉子燒餅，去食川菜都會多數點呢款，係自己塞啲肉碎落叉子燒餅入面嚟食，少少辣，加上有啲松子仁增強咬口，都唔錯。
話梅子薑豬手煲，酸酸甜甜都幾開胃嘅，不過份量又係少咗啲。
水煮豆腐，墊晌底嘅芽菜同薯粉都幾多，連埋豆腐都係索湯嘅食物，個汁都好夠辣，以今餐嚟講算係最得我哋歡心。
整體嚟講好似比之前嚟差咗，同埋多咗好多外國人，似乎已經變咗做遊客生意嘅餐廳。（因為嗰日燈光好暗，啲相顏色有少少怪）
沒有留言:
張貼留言