[Doodie Cafe Bar] 唔算特別，但唔係hea

呢晚同朋友嚟到荃灣嘅Doodie Cafe Bar，兩個人分別叫咗：

番茄salsa醬熱狗（$48），個醬整得有啲怪，有少少泰菜feel，但又唔係話難食，只係唔算討好。

小食拼盤（$58），即係德國香草豬肉腸、芝士豬肉腸拼啤酒薯條。啲腸係切開一片片上，食起上嚟都幾方便。薯條係用啤酒炸漿炸，外皮脆口，入面就保留咗薯仔本身嗰種質感。

炸魷魚圈（$88），額外有個他他醬跟埋一齊食，都OK。

 我哋兩個另外叫咗支啤酒（$60）同Mojito（$70），Mojito啲薄荷同青檸嘅味道唔係好出，一般般。

唔知係唔係我哋兩個揀嘅嘢唔係好啱，感覺上唔算特別，不過都睇得出係花過心機，唔係hea嗰種嚟嘅。