[Loving Hut] 入門級素食

雖然唔係素食者，不過有時都會特登只係食蔬菜類當一餐，感覺上好似健康少少。

去開附近，就走咗去Loving Hut食晚餐。呢度同其他素食餐廳唔同，佢哋係快餐店形式，晌收銀度買完飛，等佢哋整好就要去取餐區拎份餐。

叉燒豆腐扒飯配豆漿，眾所周知素食嘅肉多數係用豆腐再加調味料同色素之類去模仿，呢度嘅叉燒都係，賣相真係扮得幾似，食落煙煙韌韌，雖然唔太有肉嘅口感，不過都唔係完全冇味嗰種。豆腐扒就應該係用比較硬身嘅豆腐去整，無扮嘢完全係做緊自己。下面仲有堆炒雜菜例如係椰菜之類，再加埋紅糙米飯同豆腐。係就係冇平時嘅真叉燒飯咁好食，不過總算唔係完全無味嘅，對於平日一定要食肉嘅人嚟講，都算係入門級嘅素食。