[甜蜜蜜新生咖啡店] 鄧麗君主題餐廳

要出尖沙咀整少少嘢，咁就晌尖東站附近間甜蜜蜜新生咖啡店食吓嘢先。

其實都嚟過幾次，今次叫咗個有公司三文治同咖啡嘅下午茶餐，個三文治入面有蛋、番茄、青瓜、生菜、煙肉，麥方麵包就烘底嘅，有啲偏硬，但餡料就幾多幾豐富嘅。

當時食客唔多，靜靜哋坐吓抖吓都OK。呢度仲不停咁播住鄧麗君嘅歌，仲有好多有關佢嘅精品擺設，佢嘅歌迷應該都會幾鍾意呢度。