[Pepper Lunch] 黑椒牛肉飯

對於好多人嚟講，Pepper Lunch真係個唔錯嘅選擇。

 差唔多次次都係食黑椒牛肉飯，加啲醬汁再自己炒呀炒呀，真係好好玩，味道同牛肉生熟度又可以自己控制，而且因為有個鐵板慶住，食到最尾都係熱嘅。唯一唔好係可能因為佢哋怕癡底，所以落咗好多油晌個鐵板度，怕肥怕膩嘅女仔就要注意一下。

飲汽水係例牌，今次我揀配佢個搖搖沙律，貪佢有多啲菜，感覺健康啲。佢哋都係預先整定再放入雪櫃嗰種，啲菜就冇咩發紅，應該都唔係擺咗好耐，同埋因為啲麵包粒係分開包，就冇咁易吸到啲濕氣而變腍。