[Lion Rock Bistro] 下午茶非強項

朋友晌附近上堂，同佢去咗附近食晏，見呢間有下午茶就食呢間。

個裝修似係間舊式西餐廳嚟，不過佢嘅下午茶又好港式feel。


煙三文魚番茄燴意粉，入面除咗煙三文魚同番茄之外，仲有茄子。以為番茄醬整嘅嘢應該唔會有咩差池，點知食落好淡無咩味，啲茄子質感好怪，腍又唔係爽又唔係，總之就係一舊索晒水嘅物體。

朋友就食咗雞扒菜心公仔麵，呢個因為比較簡單，完全無技巧無難度，就咁將啲嘢煮好再拼埋一齊就得，所以味道就比較正常。

唔知係因為下午茶時段唔係餐廳嘅強項定點，感覺上好似一般般。（因為個公仔麵相對起來比較OK，所以今次唔俾喊面）