[東記] 大埔豬扒

呢日去到大埔墟街市熟食中心，就係為咗食東記嘅炸豬扒。

買咗份炸豬扒雞翼雙拼，比預期中大份，甚至連外帶盒蓋都閂唔埋，略為點算之下炸雞翼有六隻，炸豬扒就估計有兩塊。



豬扒同雞翼炸皮薄，脆身而無滲出多餘油份。豬扒肉質鬆化，調味得宜唔死鹹。雞翼多汁而有蒜香，兩者之中我就更欣賞雞翼多一啲。

由於份量太多嘅關係，我同朋友都食唔晒，就決定拎返去同人分享，事後證實就算擺到凍晒啲味道都無話變得太差，甚至仍留有少許脆脆嘅口感。