[Give Me 5] 鴻圖道樓上餐廳

聽講鴻圖道開咗間叫做Give Me 5嘅樓上餐廳，呢晚就嚟試試。



樓底非常高，空間感覺十足。



窗邊係一排卡位，景觀都算開揚。



最特別嘅係，場入面設有兩部電子飛鏢機。



仲有一張桌球檯，可以俾食客邊食邊玩。



我哋叫咗份Four Courses Set Dinner，另外再散叫一份主菜嚟試。



先嚟嘅係前菜煙三文魚露筍卷配蜜糖芥末汁，煙三文魚夠味唔會太過鹹，中間嘅露筍爽嫩，蜜糖芥末汁就酸酸甜甜，同埋仲有雜菜沙律，幾開胃。



黑松露野菌忌廉湯，湯入面有啲野菌碎，不過黑松露味唔太明顯。



蒜蓉牛油多士，香噴噴咁都唔錯。



然後就係主菜，法式原隻黃油雞伴黑松露燒汁。



黃油雞燒得微焦兼有香草味，外皮薄脆無肥膏，雞肉肉汁唔多但算嫩滑。



伴碟方面有炸薯角、烚甘筍仔、西蘭花同燒茄子，整體嚟講味道唔錯。



安格斯牛小排伴虎蝦配香辣燒烤汁，牛小排燒得幾軟嫩。



虎蝦夠大隻，香辣燒烤汁就幾惹味。最意想唔到嘅係底下仲有炒洋蔥絲同番茄絲，吸滿肉汁之餘又爽口。



Latte，拉花係餐廳嘅大手掌logo，都幾得意。



最後係甜品意式咖啡芝士杯。



用咗朱古力威化棒點綴，碟上面仲有啲紅色碎糖，賣相唔錯。



mascarpone cheese打得軟滑，手指餅嗰部份部份就帶濕潤。

值得一讚嘅係主菜入面嘅伴菜份量唔少，大大增加蔬菜攝取量，都幾均衡。