[Superdon] 熙來攘往之中

門面簡樸到好似玻璃小屋，想像唔到佢就係晌SOGO後面，硬係覺得呢類小店只會出現晌大坑入面咁。

入口側邊係水吧兼食物製作區，同埋有排高身吧檯，另外仲有幾張雙人檯。

餐牌封面有啲似日本雜誌，都幾簡約。



我試咗一碗海鮮丼，轉定食嘅話就包沙律同麵豉湯。



沙律有羅馬生菜、車厘茄同豆腐，同埋用咗日式芝麻醬調味。



麵豉湯味道唔過重，仲有唔少昆布、腐皮同大蔥。



海鮮丼嘅牡丹蝦大隻厚肉脆嫩，大吞拿魚腩雖然唔算入口即化，但都幾有油香同魚鮮味，北海道馬糞海膽每瓣都非常完整，食起嚟軟綿甘甜。



碗入面仲有味噌蒜、漬蘿蔔、牛蒡、酸薑、紫蘇葉同紫菜絲，米飯軟糯又有啲咬口，仲有少少醋味，芥末就幾香同埋唔攻鼻，加埋一齊食感覺唔錯。